#親子活動
上星期六，我地帶咗晴晴去 #錦田鄉村俱樂部 放電，媽媽印象中的錦田鄉村俱樂部只有士多啤梨，原來唔止咁簡單，裡面好多野玩，絕對可以喺入面玩一日！
首先，入到去，你會見到有個小食亭，如果小朋友已經識踩單車，可以租左單車先入去玩。沿路入，首先你會見到魚塘，可以帶小朋友去睇下鯉魚同烏龜。之後一直行，會見到碰碰車等遊樂設施，比較適合3歲以上的小朋友玩。再行入少少，就會見到小動物餵飼區，可以俾大家親親小動物。呢度亦都係我地既第一站。由於有貓貓陪晴晴長大，晴晴係特別鍾意小動物，所以好快已經主動行去餵兔仔，仲餵得好開心！除左兔仔，呢度仲有小豬同山羊，不過可能太大隻，晴晴都有少少驚。
之後，我地就去左大草地玩，好多人放風爭，而我地就搵左個位野餐，不過嗰日天氣太凍，好似得10度，食咗好多西北風，如果暖啲會再好玩啲。留意返，自攜食物野餐係會收$20位。
食完午餐，我地就去左草地旁的農地摘士多啤梨，呢度既士多啤梨有分法國、日本、韓國品種，全部$120磅。我地就揀左韓國品種，摘左十幾粒，全部都好新鮮好甜！
食完士多啤梨玩多陣啲BB們開始冇電，我地到小食亭食左碗山水豆腐花就走喇！我地今次玩左差不多6個鐘，如果下次夠電，其實仲可以直落BBQ玩到天黑。
好玩度：⭐️⭐️⭐️⭐️
耗電量：⚡️⚡️⚡️⚡️⚡️
地點：👣👣
價錢：💰💰💰
錦田鄉村俱樂部
地址：新界錦田水尾村 230號
交通：錦上路港鐵站轉601B小巴 (5-10分鐘車程)
Search